UKM Nordhordland lokalfestival

UKM lokalfestival for ungdom i Alver, Austrheim og Masfjorden UKM er ein møteplass for ungdom og kultur. Her kan me skape noko saman, vise fram det me brenn for og hjelpe andre med å bli sett. Det er gratis å delta på festivalen. Kven kan delta? Festivalen er for ungdom frå det året dei fyller 13 år, til og med det året dei fyller 20 år. For unge arrangørar og mediedeltakarar er aldersgrensa frå det året dei fyller 15 år, til og med det året dei fyller 20 år. Sceneinnslag Nytt i år er at kvar deltakar kan vere med på inntil to ulike sceneinnslag. Du kan til dømes delta både i eit band og som solist. Kvart sceneinnslag kan ha éin låt, slik det har vore tidlegare. Me har husband. Kunst Kunsten må vere laga av kunstnaren sjølv, anten åleine eller saman med ei gruppe. Kvar deltakar kan stille ut inntil tre ulike verk. Eitt verk kan vere ein serie med maksimalt fire delar. Nytt i år er at kunsten skal leverast inn éi veke før festivalen. Tidspunkt for levering blir avtalt med kommunekontaktane.